BTS V single a chhuak dawn hnai

BTS member V chuan a single thar, 'FRI(END)S' March 15-ah a tichhuak dawn tih a puang ta.

V, a hming tak Kim Taehyung hian nikum September thla khan a solo album hmasa ber, 'Layover' a lo tichhuak tawh a, he album-ah hian hla paruk bakah piano version a dah tel bawk. Big Hit Music chuan V hla thar chungchangah hian thuchhuah siam ve nghalin, pop soul R&B genre niin, a hla thu hi English veka ziah a ni tih a tarlang. BTS official Instagram account-ah kar liam ta Inrinni khan V hla thar teaser hi an lo dah chhuak tawh bawk. V hian nikum December thla khan mandatory military service a zawm a ni.