Biggest K-pop musician in America-ah Jung Kook

US lamah K-pop thli a tleh zel a, chart lamah pawh K-pop musician an pung chho zel. Billboard-in US-a K-pop musician lar leh hlawhtling zualte a thlan chhuahah, BTS member Jung Kook chu no. 1 a ni.

Ranking hi kum 2023 January - December chhunga US-a Hot 100 (song) leh Billboard 200 (album)-a performance bakah, touring data aṭanga an siam a ni. Hemi hun chhung hian South Korean artist zingah Billboard chart lamah Jung Kook khum zo hi an awm lo a ni. BTS star hian a solo album hmasa ber , Golden chu Billboard 200-ah no. 1 nihpui hman chiah lo mah se, South Korean soloist zingah chart-ah lanpui rei thei ber a ni thung. Jung Kook hian Hot 100 lamah pawh nikumah a che ṭha hle a, 'Seven' chu no. 1 a nihpui bakah, '3D' leh 'Standing Next to You' chu Top 5-ah a lanpui thei a, kum tawp lamah khan “Too Much” chu Top 40-ah a lanpui leh bawk.