DC Extended Universe (DCEU) fan-te beiseina chu kum thum lai a liam hnuah a hlawhtling dawn a, Justice League Zack Snyder’s Cut, tuma la hmuh ngai loh chu HBO Max chuan nakkumah a tichhuak dawn.

Zack Snyder chuan Nilaini khan hemi chungchang hi sawiin, "HBO Max leh Warner Brothers hnenah lawmthu ka sawi a, artist-te an thlawp­na avang leh an thlirna an pawmpui avangin. SnyderCut movement-a inhnamhnawih zawng zawngte hnenah pawh lawmthu a bik takin ka sawi bawk," a ti.

DCEU fan-te hian kum 2017-a Justice League tlang­zarh a nih hnu lawk aṭang khan  Zack Snyder’s Cut hi en theih tura chhawp chhuah beiseiin an nawr fo tawh a, social media kaltlangtein nasa takin an beiseina hi an tilang ṭhin a, mahse a buaipuitu lam aṭanga thawm a awm loh avangin an beiseina thawm pawh hi hriat tur a khat tawh hle. Mahse chan loh khanah Nilaini khan tihchhuah a nih dawn thu Snyder chuan a sawi ta a, nakkum lamah daih tichhuak dawn mah se DCEU fan-te tan chuan lawmna tur a ni ngei ang.

Zack Snyder thukhawchang

Nilaini khan The Hollywood Reporter hnenah Zack Snyder chuan Justice League Zack Snyder’s Cut HBO Max-a tihchhuah a nih dawn thu hi a sawi a," Thil thar hlak a ni dawn a, movie tlangzarh tak ai khan thil danglam tam tak hmuh tur a awm dawn, movie pangngai en tawhte pawhin thil thar an experience dawn.

"Joss Whedon-a'n a buaipui zawh tak movie-ah kha chuan ka kuthnu hmun lia ṭhena hmun khat vel chauh in hmu a n," a ti.

Warner chairman-in eng nge a sawi?

Thla 14 vel chiah a la awm chhungin  #Release­TheSnyderCut thawm chu a hriat reng thu leh an office leh an inbox-ah chuan nitin hriat tur a la awm reng tih a sawi.

"Fan-ten an dil a, an duhna kan thlen tur hi kan lawm hle. A tawpah chuan an pawimawh ber reng a ni. He film atana Zack-a ultimate vision nakkuma kan tlangzarh thei tur hi kan phur tawh hle a ni," a ti.

Justice League Snyder Cut chu eng nge?

Justice League film kha thui tak chan a nih hnuah a fanu thihna avangin Zack Snyder hian production kaltluang sa a chhuahsan a ngai a, a thlaktu Joss Whedon khan Snyder-a production kalpui sa kha nasa takin a thlak danglam niin an ngai. A original version tur aiin a movie an tlangzarh tak kha a tawi viau zawk niin an sawi a, hei hian sawisel pawh a hlawh hle a, box office-ah pawh beisei a pha lo ta hle a nih kha. 

Zack Snyder-a version hi a hmuhnawm viau zawk ring an tam a, chu chu fan-te pawhin an beisei ber pawh a ni.

Share this Post