Nora Fatehi-i'n Warner Music-ah recording contract ziak

Canadian born Bollywood star, Nora Fatehi chuan Warner Music nen recording contract an ziak.

India rama awmhmun khuar, Fatehi hian music kaihhnawih project chu US leh WMG team an thawhpui dawn a, hemi rual hian Bollywood lama a hna kaihhnawihah erawh Indian label T-Series nen an la thawk dun zel ang. Fatehi hi kum 2018 khan Hindi film-ah inlan ṭanin, Satyameva Jayate-ah Bollywood classic 'Dilbar' a perform a, hemi hnu hian Morrocan group Fnaire nen he hla Arabic version siam tur hian inremna an siam zui leh. A hla hian YouTube lamah view a nei ngah hle. Tanazian artist Rayanny nen Afropop, 'Pepeta' siam dunin, British singer Zack Knight nen pop song, 'Dirty Little Secret' an lo tichhuak tawh a, hei bakah solo track pawh eng emaw zat a lo siam tawh bawk a ni. Fatehi Bollywood song-te hian YoutTube-ah view tld 5 an nei pha tawh. FIFA World Cup 2022 closing ceremony-ah khan global star - Davido, Ozuna, Manal,Balqees, Rahmaa leh GIMS-te nen an perform tawh bawk.