Film tlangzarh thar: Demon Slayer 4: Kimetsu no Yaiba

February 23 khan Demon Slayer 4 : Kimetsu no Yaiba chu tlangzarh a ni. Demon slayer 4 hi he anime series-a “Hashira Training Arc” kha niin, Demon Slayer thawnthuah hian Arc 12 a awm. A main character Tanjiro hi part hmasa lamah harsatna tam tak kara Demon Slayer bawn lutuk a nih dan kan hre vek tawh a. Chumi chhunzawmna zelah entute rilruah hringnun zinkawnga harsatna, thinrimna leh lungngaihna kara hlimna leh lawmna hmuhnawm takin a tilang chiang hle.

Tanjiro hi Demon Slayer Corp no. 1 Stone Hashira Gyomei Himejima hnuaiah a training a. Himejima hi Demon Slayer chak ber a nih mai bakah a fing ber a nih avangin mi zawng zawng zah ber a ni bawk. Hetiang a nih vang hian Tanjiro tan training pawh chu a hautak hle. Demon Lal Lord Muzan nena an intawn huna a hneh ngei theihna turin dimna awm miah loin Himejima hian a hrual a, hetih lai hian Lord Muzan chuan Tanjiro a hneh theih nan hma a lo la ve bawk a ni. He film hi ram danga an tlangzarh rual hian Aizawlah pawh en theihin a awm ve nghal a ni.