Macau Chapchar Kût-ah Youngfella

Tunlai zaithiam lar, Youngfella chu Macau Mizo Welfare-in Chapchar Kût hmanpui turin an sawm. Youngfella hian an sawmna hi pawmin, Chapchar Kût hmang tur hian Macau-ah a zin dawn a ni. Macau Mizo-te hian April 4-ah Chapchar Kût hi hman an tum.

Tunlai Mizo rimawi khawvela boruak nei lian ber pawl, a hla thar hit zel thei leh music video view neih chak lama record lo siam fo tawh, Youngfella hian film OST tur pahnih a buaipui mek bawk a, rei loteah a music video hi tihchhuah thuai a ni ang.