Mizo Film chhuak thar tur ‘Thih leh Dam’

Mizo film thar en tur kan nei leh dawn. 'Thih leh Dam' tih chu February 23, Zirtawpni zan hian Vanapa hall, Aizawl leh Saikuti hall, Lungleiah chhuah a ni dawn. Hemi zan vek, dar 8:30 hian Lersia Play aṭangin en theih a ni bawk ang.

'Thih leh Dam' hi Mizo film hlawhtling tak tak, 'Dengi I Love You', 'Nukawki Pasal' leh 'Mokawr' tihte lo siam tawhtu, Conflate Video Production kutchhuak bawk a ni a, B. Lalbiakvela ziak leh direct a ni. Director of photography hi Ngaihawma Fanai niin, ani hi editor a ni nghal bawk. Sound mastering hi Mathan (EFX Audio) kutchhuak niin, Mizo kutchhuak background score (Background Music) vek an hmang leh. Light hi Vanlalhruaitluanga, leh location sound hi Tetea Zadeng-te kutchhuak an ni.

He film-ah hian, Ramri leh Ambush film aṭanga kan lo hmelhriat tawh, Gilbert Colney leh MSI Chhangte te chuan lead role an play a, Mizo actor ṭha, Papuia Pachuau leh Lalawma bakah Laltleipuii Punte te chu supporting role-ah kan hmu dawn bawk. Child actor, MC Remruathlui leh Angela Nunhlupuii te an tel bawk a ni. Hrehawm leh hlauhawm tinreng kara fing taka Excise leh khawtlang hruaitute'n theihtawp chhuaha ruihhlo (No. 4) man tuma an veh dan leh, a hna vanga dinhmun hlauhawm taka a din chhoh dan a ni. He film hi 90% chu thil thleng tak tak behchhan veka siam a ni.