Kum ruk jail tang tur Promes

Netherlands interna-tional hlui Quincy Promes chu damdawi (cocaine) tawlh ruka a inhnamhnawih avangin kum ruk tang tura hrem a ni.

Kum 32 mi Promes hi cocaine 1350 kg chuang tawlh rua puh a ni a, nimin khan thiam loh a chang. Dutch forward Promes hming hliauna hi tun hnai ni loin Ajax-a a khelh lai January 2020 vela thil thleng a ni.

Promes hi Russian club Spartak Moscow-ah a khel mek a, Russia leh Netherlands te hian inremna an neih sa loh avangin Dutch winger hi an rama a haw duh loh chuan football hi a khel chhunzawm thei tho ang.