Youth League aṭangin AFC an tla

AIFF U17 Youth League 2023-24-ah Aizawl FC-in bul ṭan ṭha mah se a tawp an khar ṭha lo a, beisei tur an nei tawh lo. Nimin khan Mizo club hian SSA Stadium-ah Shillong Lajong an hmachhawn a, chak ngei mamawh mah se 4-1 in an chak lo.

Shillong Lajong tan Banlamkupar Rynjah-a'n first half-ah a khung a, second half-ah minute 60 ral hmain Ricky Kharkongor hmangin goal hnih an khung belh. Aizawl FC-in Christopher Zaithantluanga hmangin goal khat an khung ve a, scoreline timawitu chauh a ni.

Lajong hian Riborlang Lyngdoh Lyngkhoi hmangin goal lina an khung a, 4-1 in an chak. Mizo club awmna group-ah hian Football 4 Change chuan match riatah point 16 an hmu a, Shillong Lajong-in point 14 hmuin pahnihnaah an awm. Aizawl FC erawh point 11-ah an tang a, team nga zingah palina an ni.