Kanye West-a'n Elvis Presley nen intehkhin

Kanye West chuan concert a neih turah harsatna a tawh ṭhin thu sawiin, a perform phalsak a nih loh ṭhin chungchangah music legend, Elvis Presley nen an intehkhin.

Kum 46 mi, hip-hop artist hian a Instagram-ah hemi chungchang hi sawiin, "Kum khat chhung chu perform phalsak ka ni tawh lo. Elvis Presley movie ang mai ka ni," tiin a performance sawi hlawh avanga Elvis-a gig-a tel an phal loh chungchang a hmer tel. Kanye hian show neihna tur atana arena book-na lamah harsatna a tawh thu te a sawilang a, hei hi Juda huatna thu a sawichhuah vang nia a rin thu pawh a sawi bawk. A thusawi avang hian thupha chawina pawh a lo tichhuak tawh a ni. Kum 2021-a 'Donda' a tih chhuah kha studio album a tih chhuah hnuhnung ber a ni a, kumin hian album thar tihchhuah a tum.