X-in Taylor Swift search a block

Social media platform lian, X chuan an site-a AI hmanga Taylor Swift thlalak siam chawp a darh kual hnuah, Taylor Swift search chu a block zui.

X head of business operation, Joe Benarroch chuan thuchhuah siamin, he thil hi safety lam an ngaihpawimawh vang a nih thu leh, hun rei tak block an tum loh thu a sawi. X-a Taylor Swift tih search chuan "Something went wrong. Try reloading." tih message a rawn lang zel a ni. Kar hmasa lam khan an site-ah hian Swift graphic image siam chawp hi a darh nasa hle a, ṭhenkhat phei chuan view maktaduai chuangte an nei a, hei hi US official leh singer fan-te'n an ngaimawh hle. Swift-i fan-te hian fake image darh hi an duh loh thu sawiin,"protect Taylor Swift" tih hmangin a thlalak leh video dik tak zawkte an rawn dah chhuak hlawm a ni. X hian eng hun aṭangin nge an site-ah Taylor Swift search an block ṭan an sawi lo a, public figure dang search an block em tih pawh an sawi lang lo bawk.