Emma Watson-i'n lemchan a chawlhsan lo

Kum nga chhung movie industry lamah inlan tawh lo mah se, 'Harry Potter' actress Emma Watson chuan lemchan lam a chawlhsan lo tih a sawi.

Kum 33 mi ni tawh, Emma Watson hi kum 2019-a 'Little Women' a chan hnuah screen lamah a la inlan leh rih lo a, lemchan lam a chawlhsan dawn lo tih sawi mah se rawn let thuai erawh a tum rih lo. Hemi rual hian movie industry lamah pawh huang zauh chhoh zel a tum thu a sawi a, Covid hrilen lai aṭang khan writing leh directing lam zir chhoin nuam pawh a ti hle tih a sawi. Watson hian Prada Paradoxe fragnance ad campaign video chu a vawi khatna atan a direct a,amah pawh a inlan a ni. "Keima thu ziah ngei ka direct theih hun turte ka ngaihtuah a, hei hian min tiphur hle a ni," a ti.