'Animal' producer T-Series an khing

Ranbir Kapoor channa, 2023 blockbuster 'Animal' primary producer, T-Series chu copyright chungchangah co-producer nia insawi, Cine1 Studio chuan Delhi High Court-ah a khing a, Over-The-Top (OTT) platform-a film release tum chu 'stay' turin a ngen.

Cine1 chuan 'Animal' co-producer niin, profit leh intellectual property rights-ah 35% share a nei tih a sawi. Mahse main producer, T-Sereis chuan an production, promotion leh expense chungchangah a telh ve lo a, an sum hmuh zat kimchang pawh an hrilh duh loh bakah, inremna an siam angin an hlep tur pawh an pe lo niin a sawi. Mahse T-Series chuan an puhna hi thu dik lo a nih thu leh, Cine1 hian he film-ah hian engmah a invest loh thu an sawi ve thung. December 1-a tlangzarh, 'Animal' hi a hit hle a, khawvel huapa a sum hmuh hi Rs. vbc 900 a tling tawh a, Janaury 26 hian Netflix-ah tihchhuah tum a ni.