2024 Grammy Awards-ah Billie Eilish, Dua Lipa leh Olivia Rodrigo

2024 Grammy Awards chuan Ferbuary 4-a annual event neihnaa perform tur a puang a, Billie Eilish, Dua Lipa leh Olivia Rodrigo-te an che dawn.

Award show chuan an official instagram account-ah thuchhuah rawn siamin, artist pathumte video hi a hran ṭheuhin a rawn dah. An fan-te an lawm hle a, an nghahhlelh thu leh, an hla sak tura an duh te an rawn thlang nasa nghal hle a ni. Hetih lai hian social media user-te chuan Lana Del Rey leh Taylor Swift pawh sawm turin an rawn ngen nasa nghal hle. Perform turte hi an la puan belh zel dawn a, anni pahnih pawh hi telh an ni dawn em tih an fan-te'n an lo nghah phawt a ngai dawn a ni.

Billie Eilish hian kumina Grammy Awards sem turah nomination paruk a hmu a, Dua Lipa hian nomination pahnih leh, Olivia Rodrigo hian nomination paruk a hmu bawk.