Mabiaki Pachuau-i'n Bharat Ka Amrit Kalash Top 30 thleng

All India Folk Singing Reality show lian ber, Bharat Ka Amrit Kalash neih zawh takah Mizoram aiawhtu, Mabiaki Pachuau chuan Top 30 a thleng.

He inelnaah hian Mizoram aṭangin Mabiaki Pachuau chauh hi a tling a, nikum December 6 khan final hmachhawn turin Mumbai a pan ni. State aiawha kal hi an ṭhahnem hle a, ram chhung hmun hrang hrang aṭangin mi 150 chuangin intihsiakna hi an hmachhawn. Mabiaki hi intihsiaknaah a tiṭha thlanah tling chho zelin, Top 30 a inhlangkai thei a ni.

He Show hian a duh chipchiar hle a, Mizo nun hlui te, hnam zai lo chhuah dan te, eng tik hun laia sak nge tih te, kan Mizo nun dan hrim hrim pawh zawhnaah hian zawh tel vek a ni a, an uluk hle bawk. Mumbai-a intihsiakna an hmachhawn chhung hian Mumbai-a Mizo awmte'n an ṭawiawm ṭha hle a, an chungah Mabiaki chuan lawmthu a sawi a ni.