Emmys 2024 : 'The Bear' leh 'Succession' an che ṭha

Kum a thar a, nikum lama actor leh writer-te nawrh huaihawt avanga award sem tur tihkhawtlai, music leh film lam award-te an sem chho mawlh mawlh mai. Television lama che ṭhate chawimawina, 75th Primetime Emmy Awards chu Thawhṭanni zan khan Los Angeles-a Peacock Theatre-ah sem a ni ve leh a, "The Bear", "Succession" leh "Beef" te an che ṭha hle.

'Succession' chuan award paruk lain, Kieran Culkin chuan Outsanding Lead Actor award a dawng a, cast member dang Sarah Snook pawhin Best Lead Actress-ah thlan a ni bawk.

'The Bear' pawhin award paruk a dawng bawk a, Outstanding Comedy Series-ah thlan a ni. Netflix 'Beef' chuan award panga lain, limited/anthology series category lamah award a hui fai ṭep a ni.

Award ceremony-ah hian The Television Academy chuan GLAAD hnenah Governors Awards a hlan bawk. Show hi Anthony Anderson-a'n a host a, actor fam ta Matthew Perry, Augus Cloud, Lance Reddick leh midangte sunna hun hman a ni bawk.

Kumin Emmys-a nomi-nated show hmun thuma ṭhena hmun hnih dawn hi streaming platform-a mite an ni a, ṭum dang zawng aiin streaming platform hian an thawh hlawk a ni.