English singer leh model ni bawk Dua Lipa chuan Thawh-

ṭanni khan social media-ah a studio album thar tur Future Nostalgia chu a tum aia hmain a tlangzarh dawn tih sawiin, Zirtawpni hian tlangzarh a tum.

Dua Lipa hian mittui tla chungin Thawhṭanni zinga Instagram-a a live-naah a album tlangzarh hun a sawn hma tur chungchang hi a sawi a, coronavirus darh zel chungchang sawiin, "Tun ang dinhmunah hi chuan danglamna thlen turin kan thawh ho a ṭul a ni," tia a sawi hnuah, "Ka album, April 3-a tihchhuah tura ruahmanna ka siam chu Zirtawpni, March 27 hian ka tichhuak zawk dawn a, ka phur tawh tak zet. A lo chhuak tur hi ka hlim hle a, in ngaihthlak hlan ka nghkhlel tawh hle a ni.

" Hlimna a thlen che u ka beisei a, a nuihtir che u a, a lamtir che u ka beisei," a ti.

Future Nostalgia-ah hian tunhnaia a single tihchhuah 'Don’t Start Now' leh 'Physical'-te pawh a tel dawn. 'Don’t Start Now' hi Billboard Hot 100-ah No.2 a ni mek bawk.

Lipa hian vawiin hian a album thara hla tur tho 'Break My Heart' chu a tichhuak dawn tih a puang bawk a ni.

Future Nostalgia hi a kar tawp liam taah khan a leak a, hemi vang hian tlangzarh hun tur pawh hi a sawn hma nia ngai an awm. A studio album pahnihna tur a ni a, disco leh pop lam hawi niin; Gwen Stefani, Madonna, Moloko, Blondie leh Outkast-te'n an 'inspire'-na aṭanga  siam thu Dua Lipa hian a lo sawi tawh bawk. 

Share this Post