Academy of Country Music Awards (ACM), April 5-a MGM Grand Garden Arena, Las Vegas-a sem tur chu Covid-19 vanga tihkhawtlai a nih hnuah September thlaah sem a ni dawn tih an puang leh ta.

Kumin ACM host tur hian Keith Urban chu biak fel vek tawh a ni a, April 5-a sem tur pawh hi kal tlangpui an tum. Mahse US president Donald Trump-in national emergency a puan tak avangin an tikhawtlai ve leh ta a ni.

Show hi September 16-ah neih a ni dawn tih a chiang tawh a, ACM aiawh leh Dick Clark Productions chuan a semna hmun tur erawh an la puang chiang leh dawn tih an sawi thung. Keith Urban hi host tur a la ni tho bawk.

Share this Post