Lehkhabu bawm : Zaii Khiangte 'Hniakhnu' tlangzarh

Zaii Khiangte lehkhabu 'Hniakhnu' chu Inrinni khan The Book Cafe, Aizawl-ah Upa Lalrammawia Ngente-in a tlangzarh. Lehkhabu tlangzarh inkhawm hi Lalmuansangi Varte-in kaihruaiin, Rev. B. Lalsangthanga'n hunserh a hmang.

'Hniakhnu' hi Zaii Khiangte hian ama puala lehkhabu a buatsaih hmasak ber a ni a, an naupan lai chanchin, thingtlang naupang nun aṭanga hnam dang culture chanchin rawn chhui chhoin, Mizo hnam tana ṭangkai tur leh thu ril tak tak, mi tinin an hmuh leh tawn hmangin thu ngaihnawm tak tak a ziak a ni. Cambodia, Jeju Island leh Bhutan lama a thil tawn ngaihnawm tak takte chhiar tur a awm. He lehkhabu hi Rs. 250 man niin, Synod Bookroom-ah lei theihin a awm a ni.