'Rini leh Rina' January 19-ah tlangzarh dawn

Kum a thar a, Mizo film thar en tur a awm leh nghal dawn. In-House Production chuan kumina an film hamsa ber turin 'Rini leh Rina' chu January 19 hian an tlangzarh dawn a; tlangzarh zanah Lersia Play-ah en theih tura chhawp chhuah nghal a ni ang

'Rini leh Rina' hi In-House Production feature film panga-na tur a ni a, a hmain Ka Bialnu, Driver Kima, Brother Zova leh Pa Hausa te an lo tichhuak tawh. Drew Pachuau chu director leh director of photography a ni a, script writer Samuel L Pachuau niin, Lailen Consulting Pvt. Ltd. te chu Co-producer a ni. An film lo siam tawhte nen chuan a thawnthu hi a inpersan deuh a, tun ṭuma an film thar hi chu nula tlangval inngaihzawnna lam a ni dawn a ni.

He film-ah hian Lalruatsangi (Sangsangi), Francis Malsawmdawngkima, Esther Zongte leh Alli Sandra Lalrinhlui-te an chang a, a changtute hi film lama tawnhriat nei ṭha tawhte an ni a, en pawh a manhla viau ang. Thenzawl, Serchhip, Hualngohmun, Aizawl leh Sialsuk khuaahte shooting hi an nei a ni.