Billboard-in Golden Globes 2024 After Party host dawn

Nakkum January 7-a Golden Globes Award ceremony zawhah party neih tur chu Billboard-in a host dawn.

81st Golden Globes zawh veleh, Billboard hian official Golden Globes After Party hi a huaihawt dawn a, Beverly Hills, California-a Beverly Hilton-a The Pool-ah hun hi hman a ni dawn a, Remy Martin chu presenter a ni ang.

Billboard-a chief brand officer, Dana Droppo chuan Golden Globes official partner an ni chu lawmawm an ti thu sawiin, curtain khar a nih hnuah pawh Hollywood-a hming langsar tak takte chu a lawm chhunzawmna an siam turah tel vek turin an sawm tih a sawi. An guest-te chuan rilru hahdam taka, zan khuaa hun nuam tak an hman ngei an beisei thu a sawi bawk.

81st Annual Golden Globes Award hi CBS in live-in a pe chhuak dawn a, Paramont+ ah stream a ni bawk ang. December 11 khan nominee-te puan ni tawhin, 'Barbie' leh 'Succession' chuan nomination pakua ve ve an hmku a, film leh TV series-ah nomination hmu hnem ber an ni. Nominee zingah hian musician Taylor Swift, Olivia Rodrigo, Fantasia Barrino, Dua Lipa, Bruce Sprinsteen, Billie Eilish, Lenny Kravitz leh Mark Ronson-te pawh an lang.