Lil Uzi Vert-a'n music chawlhsan tum

Philadelphia rapper, kum 28 mi Lil Uzi Vert chuan "Luv is Rage 3" album a siam hnuah music chawlhsan a tum tih a puang.

Hip-hop artist hian music chu ngaina hle mah se a hma ang em emin a tuipui tawh lo niin a sawi a,'Luv is Rage 3' album zawh hnuah chuan, fashion designer nih chho a, hmeichhe thawmhnaw lam design a tum tih a sawi. Nicki Minaj nena an thawhdunna, single 'Everybody' a hlawhtlinpui hle a,music a chawlhsan hmain Minaj hi music video siampui a tum tih a sawi bawk. Nicki Minaj hi a ngaisan hle a, a hla zingah duh loh pawh a nei lo tih a sawi a ni.

Uzi hian a album hnuhnung ber tur hi thla eng emaw zat a buaipui tawh a, music lam a buaipuina chuan a chhung leh lainate nena an inlaichinna thlengin a nghawng tih a sawi. Nunphung pangngai taka a nun theihna atan a sum neih pawh chan vek dawn pawh ni se pawi a tih loh thu a sawi bawk.