Live performance neih laiin gospel singer Pedro Henrique a thi

Brazillian gospel singer, Pedro Henrique chu Nilaini khan live performance a neih laiin heart attack vangin stage-ah a thi.

Kum 30 mi, Henrique hi Brazil hmarchhak lam, Feira de Santana khuaa hun an hmannaah a hla hit ‘Vai Ser Tão Lindo’a sa a, an hun hman hi online-a pek chhuah a ni bawk. A zai lai hian stage hma lama ṭhu mipuite awmna lam a pan laia tluin nikhaw hre loin a awm zui a, rang taka buaipui nghalin an bul hnai hospital-ah hruai a ni a, mahse, hospital thlen hian a lo chatthla hman tawh a ni. Henrique hian a nupui Suilan Barreto leh an fanu, thla hnih mi Zoe te a kalsan a ni.