YouTube live stream entu ngah ber ISRO-in Chandrayaan-3 a kah chhuah lai

YouTube live stream hi kum 2011, April thla aṭang khan siam ṭan a ni a, channel hrang hrangin an chhawr ṭangkai nghal hle. Space research institute aṭanga football club leh musician thlengin, YouTube live stream hi an hmang nasa tawh hle.

Kumin August 23-a Indian Space Research Organisation (ISRO) in thla leilunga Chandrayaan-3 a kah chhuah leh a ṭum lai a live chu YouTube-a live stream entu ngah ber la niin,view-tu an tam ber lai, peak concurrent viewers (PCV) hi maktaduai 8 chuang a nei a ni. India hi thla leilung chhim tawpa inkapkai thei hmasa ber ram a ni zui bawk.

Live stream view-tu ngah pahnihna chu 2022 Football World Cup Quarter Final match, Brazil leh Croatia ramte'n an khelh kha niin, YouTube-a lo entu hi maktaduai 6.14 an awm a ni. Top 3-ah hian 2022 Football World Cup-a Brazil leh South Korea inkhel awm bawkin, live stream entu hi maktaduai 5.20 an awm bawk. Football hi audience lamin live steam an en peih zual zingah a langsar a, no. 4-ah pawh Vasco leh Flamengo te inkhel a lang bawk a ni.