'Khuarkhurum' film tlangzarh a ni dawn ta

Mizo film thar en tur kan nei leh dawn ta. Zanin dar 8:00 hian Vanapa Hall-ah 'Khuarkhurum' tih chu tlangzarh a ni dawn.

He film hi retheihnain chhungkua a nghawng dan leh, tunlai Mizoram zirna kalphung chungchang tarlanna a ni a, en manhla tak tur a ni. A hlimawm lam hmuh tur pawh a awm nual dawn. Director leh scrip writer hi Joel Chhakchhuak a ni a, Albert_lrp_ chu director of photography niin, cinematograhpy & editing hi Johana Pautu (Studio Mafi) kutchhuak a ni thung. Production mangager hi Lalduhzuala a ni.

'Nutei thingpui dawr', 'Ka u Liana' leh 'Ghost Hunter' a kan lo hmuh tawh, Lunglei nula, Esther Hadasi Ralte chuan main role a play leh dawn a, en tichakawmtu a ni. Ani bakah hian tunlai zaithiam zinga hriat hlawh tak Saiwanah Sailo pawh a inlan dawn bawk. Modelling lama hmakhua eng tak nei, Leon Oman leh Cynthia Pachuau-te pawh an inlan dawn bawk a ni. A tirah application lamah en tur a awm nghal dawn lo thung a, December 29, 2023 aṭangin Lersia App-ah en theihin a awm ang.