December 29 zanah Lammual-ah Sean Kingston a che dawn!

Mark Event & Entertainment chuan chuan Jamaican-American singer Sean Kingston chu Aizawlah an chah lut dawn a, December 29 zanah Lammual-ah a che vel kan hmu dawn.

Kum 33 mi, Sean Kingston hi a hming tak chu Kisean Paul Anderson a ni a, kum 13 vel liam ta khan Canadian singer Justin Bieber thawhpuiin, hla hit zet 'Eenie Meenie' an tichhuak a, kum 2007 khan a single, 'Beatiful Girls' tichhuakin Billboard Hot 100-ah pawh no.1 a kai phak hial, Mizoramah pawh kan sakpui dual dual thei a ni. Hemi hnu hian 'Take You There' leh hla dang eng emaw zat a tichhuak leh bawk. Khawvel huapa zai thiam lar - Justin Bieber, Nicki Minaj, Chris Brown, Wiz Khalifa, Lil Wayne leh zaithiam dang eng emaw zat a lo thawhpui tawh bawk.

R&B star Sean Kingston hi a vawi khat nan October 2018 khan India-ah a lo kal a, Delhi leh Mumbai-ahte concert a nei. A vawi hnihnaah India hmar chhak a rawn fang ve thung dawn a, Dimapur, Shillong leh Aizawlah te show a nei dawn a ni.

Beautiful Girls, Face Drop, Loyal freestyle, Beat It, Lonely, Loyal Freestyle, Fire Burning, Wake Up In It, Eenie Meenie leh a hla hit hrang hrang sakpui turin lo inla fit ṭan rawh le. Ticket hi dawr hrang hrangah lei theih a nih bakah, QR Code scan emaw website-a lutin online-in a book theih bawk.