High Idol winner Ticos Dara

Pune-a singing showdown upa leh lian ber, High Idol season 15 winner pahnih thlan chhuah zingah Mizo tlangval, Ticos Dara a tel.

Ticos Dara hi Mizol Idol Season 6-a Top 3 kha a ni. A la zaithiam reng a, Pune lamah a hming a zu chher zui ta a ni. High Idol Season 15-ah hian Audience Choice Winner niin, lawmmanah trophy leh pawisa fai, Rs 50,000 a dawn bakah, zai lamah a tan kawng zau zawk a inhawng thei dawn a ni. Tun ṭum High Idol-ah hian judge-te chu Cynthia Furtado, Sonia Saigal, Chris Fonseca leh Clynton Fernandes te an ni a, semi final leh final-ah celebrity judge Leese Lewis a tel bawk. Finale hi December 5 zan khan neih a ni.