A security guard hluiin Lil Wayne a khing

American rapper leh singer Lil Wayne chu a bodyguard hlui, Carlos Christian-a'n a khing.

Carlos Christian chuan Lil Wayne hian kut a thlak bakah, silai nen a vau niin a sawi. A hmain ralthuam chungchangah kum 41 mi, Lil Wayne hi hrem a lo ni tawh avangin, silai nena a vauna hi a ngai thutak hle tih a sawi bawk. He thil hi kum 2012, December thlaa Lil Wayne chenna, California-a Hideden Hills-a thleng a ni a, an inhnial hnuah rapper hian kut a thlak a, a silai AR-15 chuan a tin bawk niin a sawi. A inenkawlna senso bakah a hlawh a chan takte chu pe turin a phut a ni.

Hetih lai hial Lil Wayne chuan he puhna hi thu dik lo niin a sawi ve thung a, hetiang thil a thlen lai nia a sawiah hian silai kawl pawh a nei lo niin a sawi.