Lana Del Rey kutah Best British Album

Music magzaine NME (New Musical Express) in United Kingdom-a award show a pekchhuah ṭhin NME Awards chu Nilaini zanah khan London-ah sem a ni a, Lana Del Rey chuan a album "Norman F**king Rockwell" chu Best British Album award a dawnpui.

Grammy queen Billie Eilish pawhin a hla hit 'Bad Guy' hmangin Best Song in the World award a hum haw ve leh bawk. The 1975 chu award pahnih dawng thei awm chhun niin Innovation Award leh Best British Band supported by Pizza Express award a dawng a ni.

Taylor Swift pawhin Best Solo Act In The World award a hum haw ve leh bawk.

Best Band In The World award chu SlipKnot-in an dawng a, Glastonbury Festival chu Best Festival In The World atan thlan a ni.

A ṭum khatna turin NME-ah Taylor Swift

Best Solo Act In The World award dawngtu Taylor Swift hi NME Awards-ah a la inlan ngai lo a, award dawng tura amah ngei a inlan pawh hian mipui a barakhaih hle.

Thu a sawinaah pawh NME Awards-a a vawi khat inlanna a nih thu leh nuam a tih thu a sawi.

Kum 2016-ah pawh khan NME award hi a lo dawng tawh a, mahse hemi ṭum hian a hmunah a kal lo a ni. 



Share this Post

Login to comment
No Comments