KṬP General Conference Theme Song video tlangzarh

KṬP General Conference 2020 Serchhipa neih tura thupui 'Felna Hriamhrei' behchhan hla (theme song), Synod Choir tena an sak chu January 13, 2020 zan khan Pathian hnenah hlanin tlangzarh a ni.

Kum 2020 KṬP General Conference thupui 'Felna Hriamhrei' (Rom 6:13) behchhan hla hi L.P. Mapuia phuah a ni a. A phuahtu, L.P. Mapuia hian hla eng emaw zat a lo siam tawh a, chung zingah chuan KṬP General Conference 2018-a chuang 'Ringtu ṭawngṭaina' te pawh kha a tel. Kings & Prophets-ah record a ni a, music video hi Asanga Dosel kutchhuak a ni.

'Felna Hriamhrei' hla hi Synod Choir ten sain, music video-ah an siam a. January 13, 2020 (Thawhṭanni) zan dar 8:30 khan Choir Cabin, Synod Conference Centre-ah ṭawngṭai ruala Pathian hnena hlânin tlangzarh a ni a. Central KṬP YouTube channel-ah en theiha dah chhuah nghal a ni.



Share this Post

Login to comment
No Comments