Miss Mizoram 2020 thlanna tur atana inpuahchahna chu nasa taka kalpui mek zel a ni a, Open Audition Aizawla neih turah pawh organizer-te an inbuatsaih ngawrh tawh hle. District MJA lamin hma an la tawh a, organising committee leh selection committee lam pawh an awm mai mai hman tawh lo.

Lawmman tur a chiang ta

Miss Mizoram 2020 Organizer-te chuan lawmman tur pawh an tichiang tawh a, tuna lawmman tur an tihchian tawh bakah hian lamman dang siam thei tur ang pawh an be mek zel. Tun dinhmuna lawmman tur tihchian tawhte:-

Winner:Rs 1,70,000/- + Scooter

1st Runner Up:Rs 90,000/-

2nd Runner Up:Rs 60,000/-

Sub Title Winners:Rs 20,000/- each

Finalist (Title winners tel lovin)

:Rs 10,000/-

Top 3:Genesis Gym

Membership

Modelling contract: Modeling Agency Partner, Kay Savino Yhome Scouting, Delhi chuan Finalists zingah professional modelling contract pakhat a pe dawn a, a dang ṭha an duhzawng an hmuh belh chuan an lak belh bawk ang.

Bangalore Fashion Week :

Finalist zingah Bangalore designer Mami Khawlhring kaltlangin Bangalore Fashion Week-ah ‘walk’ tur thlan a/an ni ang.

Eng scooter nge an dawn dawn?

Thansanga & Sons Auto Division YAMAHA chuan, Miss Mizoram hnenah YAMAHA SCOOTER Fascino 125Fi an pe ang. Fascino 125Fi  Model thar hi, December 2019 khan tlangzarh a ni a, tun thla aṭangin India ram hmun hrang hrangah hralh chhuah ṭan a ni ang.

Open Audition

Open Audition Aizawla neih tur hi February 4 hi chuan zawhfel hman tum a ni. Hetah hian district contestant tla tawhte pawh an tel leh thei ang. February 6 hian  Aizawl-ah Team Meeting neih rualin 'Unveiling of Contestants' neih tur a ni dawn. 

Open Audition-a tel duh tan MJA Gen Hqrs office leh Zonet office (phone no 0389-2346000) ah form lakchhuah theih a ni a, online a dil tur tan www.zonet.in/miss-mizoram-2020-online-application ah luh tur a ni ang

District aiawh tur chungchang

District aiawh tura thlan chhuah­te chu ‘Miss Mizoram District 2020’ title pek anni dawn. An awmna district hming kha an title-ah hian telh a ni mai dawn a ni. Anni hi Aizawl Open Audition-ah an tel a ngai tawh dawn lo a, Finalist tur annih nghal dawn bakah Grand Finale thleng an inlan tawh ang. February 5 hian Aizawl-ah an thlen hman a ngai thung dawn a ni.

District hrang hrang remruatna siam dan:-

1.Champhai MJA -  January 20-ah selection an 

ṭan dawn a, January 30 hma ngeiin result puan an tum a ni.

2.Hnahthial MJA (Sub Division) - January 15 thleng hun an hawng a, hemi hnulam hi entry a zirin an ngaihtuah leh ang. January 22-ah puan hman an in beisei.

3.Khawzawl MJA (Sub Divi­sion) -  Champhai nen insiam remin January 30 hmain puan an beisei an ni.

4. Kolasib MJA - Entry chung­chang thu thehdarh mek a ni a. Entry an duh khawp lo a nih chuan hmalak dan tur a duang lawk tawh bawk a ni. January 24-ah result an puang ang.

5.Lawngtlai MJA - Tunah hian entry an thehdarh mek a. January 20 aṭangin ṭhut ṭan an tum a, January 25-ah result puan theih an in beisei.

6.Lunglei MJA - Haulawng, Lung­sen leh Tlabung lam thlengin a thehdarh hna an bei a,  January 25-ah result an puang ang.

7.Mamit MJA -  January 29-ah result an puang ang.

8.Saitual MJA -  Organising Com­mittee an din tawh a, result hi January 29-ah puan hman an tum.

9.Serchhip MJA - January 30-ah result puan hman an tum a ni.

10.Siaha MJA - January 31-ah result puan hman an tum.

Share this Post