ECI-in lawmthu an sawi

Election Commission of India (ECI) chuan press note tichhuakin, Mizoramah kum bithliah hrang hrangte’n phûr leh hlim takin an aiawh tur an thlang a, ‘Democracy Kûtpui’ an hman thu a tarlang a; ECI inkaihhruaina, Supreme Court thupek leh dan hrang hrang political party, candidate leh mipuiin ṭha taka an zawm avangin lawmawm an tih thu an sawi.

ECI chuan, vote thlak tura mipui zirtirna lama ṭhahnemngai taka thawktu zawng zawngte chungah te, inthlanna buatsaihnaa hma latu sorkar hnathawkte leh vote thlaktute chungah lawmthu an sawi a; hun lo la kal zel turah pawh ECI hmalaknate ṭawiawm zel tur leh mipui rorelna mawina leh hlutna chawisan zel a nih theih nan theihtawp chhuah zel turin mipui an chah bawk.