MNF party-in lawmthu an sawi; Sorkar siam ngei kan inbeisei - MNF

MNF party chuan, Mizoram inthlanpui tluang tak leh harsatna awm loa neih a ni ta chu lawmawm an tih thu leh MNF candidate-te vote-tu zawng zawng chungah an lawm thu an sawi a; sorkarna siam ngei an inbeisei thu an tarlang.

MNF thuchhuah chuan, inthlanpui tluang tak leh harsatna lian tham awm loa neih a ni tih tarlangin, "Candidate leh an tana rim taka thawktute chungah buaina leh harsatna lian tham tâwk an awm lo niin kan hria. Rim taka election buaipui hna thawktute leh mahni vote hlu tak hmanga duhthlanna lantirtu zawng zawng chungah lawmthu kan sawi a. Venhimna hna thawktute zingah vanduaina tâwka nunna chán an awm erawh a pawi kan tiin, kan tawrhpui tak zet a ni," a ti.

MNF chuan, bial tina MNF candidate-te vote-tu zawng zawng chungah thinlung takin lawmthu an sawi tih tarlangin, "Pathian leh mipui duhsakna hmangin MNF chuan sorkarna kan siam ngei kan beisei a ni," an ti a; inthlanna muanawm leh boruak ṭha petu Pathian chungah an lawm thu an tarlang bawk.