Rare Beauty-in Gaza chhawmdawlna tur pe dawn

Selena Gomez chuan a makeup brand, Rare Beauty kaltlangin Gaza Strip-a cheng, Palestinian-te chhawmdawlna a pe dawn tih a sawi.

Gomez chuan,"Israel airstrike avangin Palestinian civil mi sang tel an thi a, mi maktaduai tel tlanchhiain ei tur, tui, damdawi leh khawsakna atana mamawh dangte nei loin an awm mek. An zingah naupang tam tak an tel a, Palestinian civil mite hi venhim an ni tur a ni," tiin a post-ah a ziak thar ve leh. Juda mi huatna emaw, Islam huatna bik emaw ang chi chu a pawm loh thu a sawi a, Rare Beauty chuan chhawmdawl hna thawktu, International Red Cross/Red Crescent Societies - Magen David Adom leh Palestinian Red Crescent Society hnenah donation a pek tur thu a sawi a ni. Gomez hian a hmain Israel-Hamas war thleng mek chungchangah, a instagram post siam ringawt chuan awmzia a nei dawn lo ti zawnga a lo sawi tawh avangin social media lamah beih zui a tawk nasa a, social media break a lak tur thu pawh a sawi hman hial a, mahse, a ṭhulh leh ta a ni.