Goa-ah 54th IFFI nei dawn

54th International Film Festival of India (IFFI) chu Novmeber 20-28 chhung hian Goa-ah neih a ni dawn.

Union minister Anurag Thakur chuan India media and entertainment industry chu khawvel huap pawha market lian pangana a ni tih a sawi a, kum thum chhunga a ṭhanna hi chawh rualin kum khatah 20% vel a tling. Kumina film festival hman turah hian Hollywood veteran, Michael Douglas chu Satyajit Ray Lifetime Achievement Award hlan a ni ang.

IFFI International section-ah hian kum hmasa lam aiin film an dawn hi a let thum zetin a tam. Kumina a ṭum khatna atan OTT awards siam a ni bawk. OTT industry hi India ramah a ṭhang nasa hle a, annual growth rate hi 28% a tling. OTT platform bikah hian ṭawng chi hrang 10 aṭangin entry 32 a lut a, winner hian Rs. nuai 10 a dawng dawn a ni.

Festival chhung hian hmun pali - INOX Panjim, Maquinez Palace, INOX Porvorim leh Z Square Samrat Ashok-ahte film 270 chuang show a ni ang.