Adele-in Sherry Lansing Leadership Award dawng dawn

Adele chuan award ngaihhlut hlawh, Sherry Lansing Leadership Award a dawng dawn a, December 7 hian Los Angeles-ah hlan a ni ang.

Sherry Lansing Leadership Award hi entertainment leh media lama hnuhma nei ṭha leh thawh hlawkte hnenah hlan ṭhin a ni a, Hollywood studio-a hmeichhe hotu ni thei hmasa ber, Sherry Lansing chawimawina atan siam a ni. He chawimawina hi Charlize Theron, Jennifer Aniston, Reese Witherspoon, Oprah Winfrey, Barbra Streisand leh Viola Davis-te pawhin an lo dawng tawh a ni. Adele hi best-selling female artist zinga mi niin, a record hi mtd. 120 chuang a hralh chhuak tawh a, award pawh ṭhahnem tak a lo dawng tawh bawk.