Darpu Music App : Aengi & Rosalyn leh The Leprosy Mission Choir-te la ding chang

Darbu Music App-a October thla chhunga hla play tam ber chu Aengi & Rosalyn 'Rinawm Min Tiam Kha' a ni leh a, hralh chhuah tam ber pawh The Leprosy Mission Choir music track bawk a ni leh.

'Rinawm Min Tiam Kha' hi K. Hminga phuah leh produce a ni a, hla thar ni tawh lo mah se mipuite ngaihhlut a la hlawhin, ngaithlatu an la tam ber a ni. Ngaithlatu tam lamah pahnihna chu US lam production, Yellow Muzik hla 'It's Okay Baby' a ni a, Shin Bia nena an sak 'Kan Hla' tih chu parukna a ni bawk. Darbu lamah hian tunlaia kan Mizo top artist-te'n ngaihhlut an hlawhin ngaithlatu an ngah a, K.Hminga, Youngfella, Kimkima leh Siampuii Ralte te chu Top 10-ah an lang. Gospel lamah Synod Choir 'Lawmthu Ka Hrilh Che' tih chu pakuanaah a rawn lang a, gospel band thar Lighthouse hla, 'Isu Hming Mawi Ber' tih chu release aṭanga kar khat pawh a liam hmain Top 10-ah a rawng lang pha bawk a ni.