Disney Live-Action 'Hercules'-ah Austin Butler hming langsar

'Elvis' biopic-a Elvis Presley lema chang, Austin Butler chu Disney live-action movie, 'Hercules' siam turah Hercules-a chang tura sawi rik zingah a hming a langsar.

Golden Globe-winning actor hi Hercules project tharah hian kan hmu dawn niin report ṭhenkhat chuan a tarlang a, hetih lai hian social media lamah Hercules lema chang tur chuan Butler a taksa a lian ṭha tawk lo nia lo sel pawh an awm. Hercules-a chang tur hian a hmain Taron Egerton pawh sawi rik ni tawhin, Greek hero bialnu, Megara lemah Ariana Grande a chang dawn nia sawite pawh a awm bawk. Disney lam hian inremna siampui tumin an be tawh niin an report bawk a, mahse, studio lam hian official-in engmah an la puang lo thung. An film siam tur hi Guy Ritchie-a'n a direct dawn a ni.