UNESCO-ah SEVENTEEN

SEVENTEEN chuan November 14 hian Paris-a UNESCO headquarters-ah thu an sawi dawn a, an zai nghal dawn bawk. K-pop group zingah UNESCO-a thu sawi thei hmasa ber tur an ni.

Member 13 awmna, SEVENTEEN hian zirna pawimawhna te, khawvel siam ṭha tura ṭhalaite thawhhona pawimawhnate an sawi dawn a, UNESCO Youth Forum-ah an pual hian session khat dah a ni dawn a, darkar khat a awh ang. SEVENTEEN hian October 23 khan an mini album 11-na,'SEVENTEENTH HEAVEN' an tichhuak a, he album-ah hian hla pariat a awm. Album tihchhuah hma hian pre-order mtd 5.20 an nei hman a, K-pop chanchina pre-order hmu tam ber record an siam bawk.