A music video tam zawka hmel tilang ngai mang lo, Australian singer leh songwriter Sia chuan 'Thanksgiving' pualin California-a Palm Springs venga Walmart dawra bazar mi ṭhenkhat chu an thil leina man a pek sak. 

Australia news agency pakhat KESQ chuan 'Chandelier' singer Sia hian Walmart-a bazar eng emaw zatin an ei leh intur leh thil dang an leite chu a man a peksak thu a tarlang. Heng bakah hian Walmart bula Departmental store TJ Maxx dawra thil leite pawh an thil lei man a pek sak niin a tarlang bawk.

Walmart dawr bul hnaiha cheng 'Who­LeeOoh' tia twitter-a indah chuan, Sia-i'n dawra thil leite thil leina man a pek sak lai video a tweet a ni. A twitter-ah hian a lawmthu leh fel a tih thu a tarlang zui. 

Share this Post