Hontrade International Ṭhazual Fakna chart-ah Lalthleng­liani hla 'Jehova Elohim' chu pakhatna a rawn ni leh a, Sanga Renthlei ft Hlimhlimi 'Ni ropuiah chuan' chu pa­hnihna niin, Ruatpuii 'Ka lawm e Lalpa' chu pathumna a ni bawk.

A ṭum hnihna atan 'Jehova Elohim'

Lalthlengliani Jongte hla 'Jehova Elohim' hi October thla tawpah khan Ṭhazual chart-ah hian pakhatna a lo ni tawh a, a hnuah khan tlahniamin pathumnaah a awm a ni. Chart hmasaah khan hma rawn sawn lehin pa­hnihnaah a rawn inhlangkai leh a, tunah chuan dinhmun ṭha berah a rawn inhlangkai leh der tawh.

Ṭhazual chart-a a dinhmun thlirin duhtu an tam tih a hriat a, thla khat zet a liam hnuah din­hmun ṭha berah a rawn invawrh leh ta a ni.

He hla 'Jehova Elohim' hi a tihchhuah tirh September thlatir aṭang khan Ṭhazual chart-ah hian a lang nghal vat a, music video a uluk bawk a, thlan a hlawh hle a ni. Malsawm­tluanga Chhakchhuak (Mala) phuah a ni a, music leh recording hi Rka, 3Brothers kut­chhuak niin, video hmuh nuam tak hi Chiang­tea Vi­deographu kutchhuak a ni thung.

Nizanah hla thara tichhuak

Lalthlengliani Jongte hian nizan khan music video thar a tichhuak bawk. Ṭhazual No.1 a a rawn comeback leh zanah tak video thar hi en theihin a chhawpchhuak.

A music video tihchhuah thar hi hla thar a ni hran lo a, Kristian Hlabuah pawh awm, Vanlalhlana pawhin thiam taka a lo sukpui tawh ṭhin 'A fakna a dai tawh lawng' tih kha a rawn herlum leh a ni. 

Hla thar ni lo mah se Lal­thlengliani Krismas hla tihchhuah hmasak ber a ni thung a, a video hi Osiama Pictures kutchhuak niin, recording hi Rka, 3Brother's recording studio-ah a ti bawk. 

'Ni ropuiah chuan' leh'Ka lawm e Lalpa'

Tunlaia boruak nei lian tak Hlimhlimi leh Sanga Renthlei sak dun 'Ni ropuiah chuan' chu pahnihnaah a rawn inhlangkai. He hla hi chart hmasaah khan pathumna a ni a, a dinhmun sawh nghet zelin thlan hlawh ber dawttu a ni tawh a ni.

Chart hmasaa palina Ruatpuii 'Ka lawm e Lalpa' chu pathumnaah rawn inhlangkai ve bawkin Ruatpuii pawh hi a dinhmun a ṭha chho hle bawk.

Ṭhazual fakna chart hnuhnung bera pakhatna Lalhmangaihzuali 'Hremhmun' chu palinaah a awm ve thung a, R. Lalruatsangi 'Chan­chinṭha hril' chu pangana niin Top 5 khartu a ni thung.

Hontrade International Ṭhazual Fakna Top 10

1 Lalthlengliani - Jehova Elohim

2 Sanga Renthlei ft Hlimhlimi - Ni ropuiah chuan 

3 Ruatpuii - Ka lawm e Lalpa

4 Lalhmangaihzuali (Nunui) - Hremhmun

5 R. Lalruatsangi - Chanchintha hril

6 Grace Lalchhanhimi - A kiangah

7 Sawmtea - A va mak em

8 Ruthi CVL Muanpuii - Lalpa nang hnaih zel hi 

9 Jennie Lalruatfeli - Lalpa nang lo chu 

10 Hmingtea Chhangte - Isua hmel 

Share this Post