Euro khel lo tur Chris Brunt

Chris Brunt chuan a khup hliam vangin Euro 2016 a khel thei dawn lo. West Brom defender hi kar hmasaa Crystal Palace nen an inkhelh
ṭumin a inhliam a ni.

Kum 31-a upa Brunt hi Northern Ireland tan vawi 54 a inlan tawh a, ram tana a inkhelh hmasak ber chu kum 2004 kha niin Switzerland a hmachhawn a, heta ṭang hian ram tan player pawi^-mawh a la ni chho zel.

Northern Ireland hi Group C-ah awmin Ukraine, Poland leh world champion Germany te nen an awm ho a, June 12, Pathianni khian an match hmasa berah Poland an hmachhawn ang.

West Brom head coach Tony Pulis chuan, "Chris a hliam hi pawi kan ti em em a, ani hi team phuarkhawmtu pawimawh tak a nih avangin tun season chhung kan chhawr thei tawh lo tur hi kan tan chuan channa nasa tak a ni. Season thara ṭha taka inkhel thei tura a inenkawl theih nan duhsakna kan hlan e," tiin a sawi.