Kum 28 mi, tunlai khawvela zaithiam hlawhtling ber zinga mi Ed Sheeran chuan kum 2015 khan a electronic device leh social networking site-te a hnawl thu a lo sawi tawh a, thla 12 hnuah Instagram lamah erawh­ hmuh tur awm leh mah se vawiin thleng hian biak pawh duh chuan mobile phone a neih miau loh avangin email hmanga biak a ngai niawm tak a ni!

Ed Sheeran ṭhian hnai tak  Roman Kemp chuan Zirtawpni liam ta khan TV Show Britain's 'I'm A Celebrity... Get Me Out of Here!'-ah Sheeran-a'n phone a la neih loh thu hi sawi langin, "Ed hian phone a nei lo, email mai ru" tiin a sawi.

Kum 2017 khan Ed Sheeran hian a phone hman loh chuan a 'stress' a tiziaawm tih a lo sawi tawh. Khatih hunali khan "iPad ka lei a, email chauh ka hmang a, chu chuan ka 'stress' a tiziaawm hle a ni. Zingah mi hrang hrang message 50 vel chhan a ngai tawh lo a, ka tho a thingpui ka in mai a ni," tiin a lo sawi tawh bawk.

Sheeran hi khawvela music hmanga sum lalut hnem ber zinga mi ni mah se tunhnai khan social anxiety a neih avangin a ṭhian tam tak a thlah a, ṭhian palivel bawra lungawi a tum thu pawh a YouTube channel-ah a lo sawi tawh a ni.

Share this Post