The Kacey Musgraves Christmas Show Lana Del Rey leh Camila Cabello-te a thawhpui

Kacey Musgraves chuan a Christmas album tihchhuah tharah zaithiam hrang hrang a thawhpuia, heng zingah hian Lana Del Rey leh Camila Cabello-te pawh an tel.

Grammy Award pawh paruk lai la thei Kacey Musgraves Christmas album hi "The Kacey Musgraves Christmas Show" tih a ni a, he record-a hla tam berah hian midang a zaipui a ni.

Hla tam ber hi ama original a nih laiin Krismas hla lar sa eng emaw zat a sa thar leh a ni. Camila Cabello nena an sak dun 'Rockin' Around The Christmas Tree' leh Lana Del Rey a sakpui 'I’ll Be Home For Christmas'-te pawh he album-ah hian a tel. Fronzen II soundtrack-a a hla 'All Is Found' pawh he album-ah hian a tel bawk.

The Kacey Musgraves Christmas Show

The Kacey Musgraves Christmas Show hi Amazon hnuaia show niin, an Christmas Special show hmasa ber a ni a, an elpui Netflix-te chuan Christmas movie-te tichhuak tawh tho mah se Amazon Prime hi media-service provider zinga tunhnaia Christmas variety show tichhuak awmchhun an la ni thung.

Zirtawpni khan he show hi Amazon Prime chuan a premiere a, kum 2016-a Musgraves-i Krismas Album lo tihchhuah tawh 'A Very Kacey Christmas'  a hla awmte chu telh leh hlawm niin, show audio hi album ang hian tihchhuah a ni tho a ni.

Online streaming service hrang hrangah he album-a hlate ngaihthlak theihin nimin lamah khan chhawpchhuah a ni tawh a, YouTube lamah a audio ho hi chhawpchhuah a ni tawh bawk.

The Kacey Musgraves Christmas Show tracking list

Let It Snow (feat. James Corden) 

Have Yourself a Merry Little Christmas 

Present Without a Bow (feat. Leon Bridges) 

Rockin' Around the Christmas Tree (feat. Camila Cabello) 

Silent Night (feat. Fred Armisen)

Christmas Makes Me Cry 

Mele Kalikimaka (feat. Zooey Deschanel) 

Glittery (feat. Troye Sivan) 

I'll Be Home For Christmas (feat. Lana Del Rey)

Ribbons and Bows



Share this Post

Login to comment
No Comments