WB-in Zika hri leng do letna tur sum pe

20th February, 2016

World Bank Group chuan Zika virus len mekna, Latin America leh Carribean ramte tan hri leng dona turin dollar maktaduai 150 a pe.

Thuchhuah siamin, World Bank chuan sum hi pekchhuak nghal a nih thu sawiin, hri leng zel tur do letna atan hian a ṭul angin sum pekbelh pawh an inhuam thu a sawi.

World Bank-in ṭanpuina sum a pek hi Zika virus leng khuah-khirhna tura hmalakna atan te, hri kai awlsam bik dinhmuna dingte enfiahna atan te, a bikin naupai lai te endik leh enkawlna atan te hman a ni ang.

World Health Organization (WHO) chuan Nilaini khan hri leng mek do letna atana ruahmanna a siamte puangin, hemi atan hian dollar maktaduai 56 mamawh a nih thu a sawi.