Cuba-in Obama zin tur lawm

US President Barack Obama chuan March thla hian Cuba ram a tlawh dawn a, Cuba official-te chuan US President in an ram a tlawh tur hi lawmawm an tih thu leh, hei hian ram pahnihte inkarah inlaichinna ṭha zawk a thlen ngei an beisei thu an sawi.

President Obama hi kum 1928 hnua US president zinga Cuba ram tlawh hmasa ber tur a ni. US President ni tawh zingah president laia Cuba tlawhtu chu Calving Coolige chauh a la ni.

March 21-22 hian Cuba hi a tlawh dawn a ni. Obama hian a zin tur chungchang hi Twitter-ah pawh tarlangin, ram pahnihte inkar boruak ṭha zawk siamna tur atan leh, Cuban mipuite dinhmun chawikan nanthil pawimawh tak a nih tur thu a tarlang.

US leh Cuba hi kum 54 zet palai pawh intir tawn thei loin an inkar boruak hi a ṭha lo a, nikum July thla aṭang khan inlaichinna zawk an neih theih nan palai pawh an intir tawn leh chauh a ni. Republican lam chuan Obama zin tur hi an sawisel a, Cuba rama Castro chhungkuain thuneihna an chan laia US hruaitu a tlawh tur chu an duh lo tih an sawi.

Prsesident Obama hian Cuba President Raul Castro leh ram hruai-tu hrang hrangte a kawm bakah, civil society leh sumdawng aiawhte pawh a hmuk bawk ang. Mahse Cuba president hlui leh revolutionary leader, Fidel Castro erawh a hmu dawn lo nia sawi a ni.