NE Fest Vadodara-ah nei dawn

North East Zone Cultural Centre, Dimapur te buatsaih 'Octave Festival' chu February ni 10 -14 chhung hian Vadodara, Gujarat-ah neih a ni leh dawn.

Vadodara District Collector Avantika Singh chuan, 'The Festival of the North East'-ah hian North East State pasarih leh Sikkim atangin rtiste 280 vel an tel tur thu a sawi. Vadodara hi Cultural Capital of Gujarat tih a ni a, he hmunah hian a vawi khat nan festival hi nghah a ni dawn a ni.

Nagaland Governor Padmanabha Balakrishna Acharya chuan february ni 11-ah festival hi a chhim ang.

Director of West Zone Cultural Centre, Udaipur, M Furqan Khan chuan, he festival ni nga awh turah hian Rock band, musical performances, exhibitions, theater shows, seminars, traditional dances, vegetarian food stalls leh adang te a awm tur thu a sawi. North East State pariat- Assam, Tripura, Arunachal Pradesh, Nagaland, Meghalaya, Mizoram, Manipur leh Sikkim-ten state aiawh tur mi engemaw zat an tir dawn. He festival hi Ministry of Culture, Government of India-te bultuma buatsaih ṭhin a ni a, hnam hrang hrangten an culture ṭheuh an vawnnun zel theih nana buatsaih a ni. 'Octave Festival' hi kum 2006 aṭang khan kum tin hman ṭhin a ni.