Song Hye-Kyo instagram-ah lo kir leh

Thla li zet instagram-ah hnuhma a neih tawh loh hnuah, South Korean actress Song Hye-Kyo chu instagram-ah a thlalak mawi tak nen a lo kir leh.

June thlaa a pasal South Korean actor Song Joong-ki nen an inṭhen hnua social media platform-a a rawn lan lehna hmasa ber a ni.

A thlalak rawn post hi South Korean luxury shoe brand Suecomma Bonnie fak pahna a ni a, photographer Mok Jung-wook hmehsak a ni nghe nghe.

Mizote pawhin Full House serial film aṭanga kan hriat lar Song Hye-Kyo hi, film chanlamah a chawlh rih thu media-te chuan an tarlang. A mimal hmasawn nan New York lamah, art school enge mawni berah thil a zir thu an tarlang bawk.

Thla hmasa khan New York-a Ralph Lauren show-ah a kal ve thu tarlan a ni a, jewellery brand Chaumet leh beauty brand Sulwhasoo-a meet-and-greet-ah a inlan dawn thu an sawi bawk a ni. 



Share this Post

Login to comment
No Comments