French Montana, DJ Khaled leh Jhene Aiko-ten American Cancer Society thawhpui

American Cancer Society chuan Thawhṭanni khan hnute cancer do letna kawng­a an hmalakna, Get#YOUnited campaign an ṭan a, an campaign-na leh sum tuaknaah hian JD Khaled, French Montana, Jhene Aiko leh Kristin Chenoweth-ten an thawhpui. 

Team We the Best aiawh, DJ Khaled chuan,"Tunhnaiah ka laina hnaihvai tak pakhat chuan hnute cancer a nei a, hei vang hian he natna do let leh tur leh, a tuarte pui tur hian ka theihtawp ka chhuah ve a ngai a ni," a ti. 

Montana hian a ṭhian ṭha tak, hnute cancer lo vei tawh Nalie Agustin leh he nat veitu dangte tan Get#YOUnited campaig ambassador-a a lo ṭan chu a thilpek pek ve theih a nih thu a sawi bawk. 

Aiko hian kum 2012 khan a nuṭa chu thluak cancer vangin a lo chan tawh a, hei vang hian Trip singer hian WAYS (Why Are You Not Smiling) Foundation pawh a lo din tawh a ni. 



Share this Post

Login to comment
No Comments