Zirlaite pualin ruihhlo do short clip competition buatsaih

Mizoram sorkara Core Committee on Ruihhlo Do hnuaia Mass Media Campaign Cell chuan zirlaite pualin ruihhlo leh a kaihhnawih dona chi khat atan Anti-Drug Awareness Short clip competition a buatsaih dawn.

Competition hi category pahnihah ṭhenin, Category I chu Class IX-XII zirlai tan a ni a, Category II chu College leh University zirlai tan a ni. Clip hi October 6 ral hmain online-in, msdrb.mz@gmail.com emaw drive link hmangin emaw theh luh tur a ni. Entry form bakah rules & regulation hi an website, https://msdrb.mizoram.gov.in -ah ngaihven theih a ni.

Result hi October 20-ah puan hman beisei a ni. Lawmman hi Category I-ah pakhatna Rs 10,000, pahnihna Rs 7,000, pathumna Rs 5,000 leh mi panga hnenah Consolation prize Rs 1,000 ṭheuh pek a ni ang. Category II-ah pakhatna Rs 15,000, pahnihna Rs 12,000 leh pathumna Rs 10,000 bakah mi panga hnenah Consolation prize Rs 1,000 pek an ni bawk ang.

Short clip rei zawng hi second 15-30 tur a ni a, ruihhlo leh a kaihhnawih dona thuziak/auhla emaw, ruihhlo dona atana ṭangkai leh hriatthiam awlsam video, 'positive message' pe thei zawnga siam tur a ni. Thil awmsa hman phal a ni lo a, thuziak/auhla chu a thehluttu phuah/siam ngei a ni tur a ni. Clip hi Septmber, 2023 leh a hnu lama siam a ni tur a ni bawk.