Prime minister Narendra Modi chuan Delhi tih hmasawnna turin nimin khan project eng emaw zat a hawng a, heng zingah hian JJ clusters-a chengte tan flat 1,675 leh urban redevelopment project a tel.
PM Modi chuan, "Vawiin hi Delhi hmasawnna atana ni pawimawh tak a ni. Ashok Vihar-a programme neihah, hmasawnna hna hrang hrang hawnna leh lungphum phum a ni ang a, hei hian Delhi mipuite tan khawsak awlsamna a siam phah dawn a ni," a ti.
Hmasawnna hna thawhte hian hmalam hunah ṭhangharten an chhawr ṭangkai dawn a ni tiin, "Heng hmalaknate hi kan thlah kal zelte tana kan in pekna leh hmakua ti eng thei tur a ni. Thiamna leh hamṭhatna, an chhehvela chhawp chhuahsak bakah thil thar leh remchang hmanga chakna pein, hei hian ṭhangtharte enkawlna atan an inpekna a lantir a ni," tiin a sawi.
Project zingah hian East Delhi-a Surajmal Vihar-a Eastern Campus-ah cutting-edge academic block siam te, Dwarka-a Western Campus-ah pakhat dang siam leh, Roshanpura, Najafgarh-a Veer Savarkar College tan lungphum phum a tel.
Heng hmalakna hi PM-in 'Housing for All' a tih tumna nena inmil taka kalpui a nih thu sorkar thuchhuah chuan a tarlang. PM hian In-Situ Slum Rehabilitation Project hnuaia Jhuggi Jhopri (JJ) cluster-a chengte tana flat sak thar, Swabhiman Apartments, Ashok Vihar, Delhi-a awmte a tlawh bawk. Eco-friendly building hi environment standard sang taka sak a ni a, Indian Green Building Council (IGBC)-in Platinum Rating standard a siam angin design a ni. PM Modi hian Delhi University-ah cheng vaibelchhe 600 chuang senga project thar pathum thawhna tur lungphum phum bawk.
